Miôr 40 agns di leon che… 
40 agns il 10 di avost,
e no sta menâmi il rost !
Dal me travuart i soi contente,
e no lu dîs nome par fente,
an par an la me etât,
a va sù a ogni estât,
ma se cussì a no fos vere,
i sarès bielgià sot tiere,
a mangjâ lidric cul poc
cence frices e par sot !
Ma tornin in argoment,
cjacarin dal me event.
Par la fieste di chist an,
jo no cjali al carantan,
par la fieste dai leons,
mangjâ , bevi e animazions,
l'è miôr spindi par vê ligrie
che partaiu in speziarie,
vê il cûr simpri content,
al reste il miôr investiment !
Chel sfuei chi tu lu âs capît
al è il to biliet l'invît,
dai no sta fati preâ,
ven cun me a festegjâ.
I soflin cualchi balon,
i cenin sot il tendon,
i svuacarin ta la piscine,
i ridarìn come mai prime.
Il program di chel dì
cirche, cuasi al è chel chi,
po tal scûr da gnot das steles
piâ une grampe di cjandeles
e su la torte inluminade,
dâ di colp une soflade
e esprimi un desideri
che in futûr a mi si averi.
I ai tacât già a pensâ,
ce volê, ce domandâ
e a la fin la mê rispueste
no mi â parût foreste,
il çurviel al â recepît
ce che il cûr ai à spedît.
E alore i seri i voi
e striçâts ben ducj doi,
i tiri flât e i fâs la conte
i sofli fin ch'andè avonde
e il me desideri dopo il 3…
che TU,tu sedis lì cun me !