|
21 Març- 20 Avril
No ti conti un strambolot
se ti dîs che dì e gnot
al è un piès chi crei par te
un messaç just par uè
un pinsîr origjinâl
par un omp cussì speciâl
che l'è biel come un sclopon
e golôs come un bombon
legri, sincer, leâl, onest
in some un cun dût a puest
J ai pensat par une rime
Chi no vedi mai fat prime
E par cjapà ispirazion
Che come scuse a va benon
Soi vignude di scuindon
A cucati par il balcon
cuant che il dì al è finît
E tu tornis tal to nît
Par polsà tal jet un ore
Prim di là cun….omissis…a vore
A son robes di non crodi
Ce che mi à tocjat di viodi
cuant gjavâs dûç i vestîs
Ti ai cjalât di cjâf a piis
Tu eris crot cence pudôr
Che tu levis atôr atôr
Ma dal puest da me vedête
La visuâl a ere strete
Fintrimai che il clâr di lune
Nol è stât la mè fortune
Un riflès mi a mostrât
Un imprest fin lì platât
Ce chi ai vjodût tal spieli
Mi a bagnât sì il cjorneli
Ma tra spavent e la sorprese
Mi a spandût parfin la "sese"
E cumò chi soi in çomp
I mi soi rindude cont
Che las mes rimes no son nuie
Se mi visi da to "ruie"
Il miôr regâl e i soi sigure
Ta lu a già fat mari nature !
Ines di Tole
|
