Gjal….ines di Pasche Ogni an la stesse solfe mai une Pasche che si polse, duç a spetin che gjaline che ur fâs i us in rime, duç a sperin che la "Gnese" a ur sgnachi la sorprese. Ma saveiso ca è fadie par fâ jessi la melodie ? Jo no cîr nissune scuse, ma a sarà cuestion di buse ! La gjaline avostane ancje se a samee tant sane, sot la plume a ten platât un condot ormai stropat, prest ai tocje là in pension e fermà la produzion, lassà il puest e cun tristece, a une zovine polece. Ma guai une malatie ca è clamade nostalgjie e la voe di un plat nostran come sopes cun il pan, al è un fat simpri savût che gjaline vecje a fas bon brût ! Buine Pasche 2008 Ines di Tole