" Un ami a l'è come l'ombrene : nol covente par une ploe sole"
I aj scrit a Pari Nadal
Ancje jo par vè un regal
Par cjatalu sot il pin
Vignut ju par il camin
I soi grande , chel lu sai
Ma la sperance no mûr mai
E io i crôt che lui mi scolte
Parceche j eri frute une volte
Sa è creance tal domandà
Poc o trop al rivarà
Dut al sta ta la maniere
E se l'anime a è sincere
La richieste a è stade sclete
Par sperà mi ledi drete.
No un profum né une collane:
une robe plui nostrane.
No un vestit o un anel :
alc cal conti, tant plui biel.
Che no si compre la di Tole
come un claut o une cariole,
une robe ca val tant
ma che tajnç à dan dibant
Jo i domandi pal prosim an,
che cumò no l'è lontan
che tu tu mi dedis un an intir
ce che jo i vul e j cir.
L'amicisie, ma chè vere
di binore fin la sere,
par fa simpri une ridade,
par passà une serade,
par vaì su la to spale,
par vè simpri a cui contale,
par prestasi un imprest,
par jodi int un poc di sest,
par consolasi da l'etât,
par no pandi la veretât,
par judasi sal covente
sal, sucar o polente.
Jo i speri cun dut il cûr
ca la lei di sigûr
ca nol smentei in tal so sac
di metj ancje il me pac
La me letare l'ai fate,
jodarai ce ca si cjape.
Ines di Tole
|